試用Topcashback現金回贈網站

睇返account 原來係2013年已經用過Topcashback黎訂酒店， 到2014年總共拎返現金回贈USD47.94 ~ HKD372， 拎返幾嚿水都好。 但唔知係唔記得定係咩啦， 2015係無用過佢， 2016年先記得用返佢訂過機票同酒店。

回贈啲錢佢有幾個方法俾你，Gifts card又唔岩我用，我就簡PayPal，全部入返落去我PayPal戶口（冇最低Payouts限制，通常一有錢回贈我就過晒入PayPal）。

一路都係BOOK酒店賺回贈，試過有啲係唔成功，後尾先知如果有時用左啲唔合資格Coupon code會Claim唔到啲回贈。不過其實無蝕，本身就係要俾果個錢去訂酒店。

佢都有個渠道俾你追數，我都試過問做咩住左都無回贈俾返我，經佢跟進後有啲會俾返我，有啲就話不合資格，對唔住啦。

其實都係每次BOOK酒店前去左TopCashBack個網先，跟住search要Book既公司，好似agoda咁有６％回贈。跟住係呢度捺入佢個連結去agoda度book，佢就會追蹤到你用佢個網站先再去其他網訂野。跟住好似平時咁訂完，入住完，等一排就正常見到有錢回贈。

佢後尾出左個中國版(唔sure啲鋪頭係咪會唔同啲)，我都登記左用過黎訂Ctrip機票，一樣係回贈美金，不過就得PayPal同支付寶簡，無Gift card。

旅行本身已經要駛唔少錢，所以訂機票酒店都係經呢度再訂會感覺慳返少少。不過有時有啲網站指定要用某條Link先有優惠果啲就用唔到了。

我既referral (~覺得文章有用可以支持吓~)

topcashback.com

topcashback.cn 中國版