Category Archives: lifestreaming

其實唔靠FB都可以接收資訊

最近FB啲Comment, Like, Inbox先有得睇內容既風氣已經太誇張, 我知好多人其實都無咩用FB放自己野, 通常拎黎當睇新聞睇資訊咁用. 講真FB老早已變質, 本來用黎睇朋友啲updates已經好少見, 往往係一大堆新聞/鱔稿行先. 分享一下我係點接收資訊, 唔駛跌入FB個惡性循環裡面. 如果你只係單純想接收各大網站既updates/新文章但又唔想自己成日去個網站到CHECK住的話. 只要用Feedly就搞掂. 一個網幫你subscribe晒所有你想睇既野, 你就隨自己既時間去睇返想睇既文章. 唔怕篇文因為FB啲運算方法沉左底或者唔Show俾你睇, 可以自己掌握返個閱讀習慣. 官網網頁版: https://feedly.com/i/welcome IOS: https://itunes.apple.com/us/app/feedly-smart-news-reader/id396069556?mt=8 Andorid: https://play.google.com/store/apps/details?id=com.devhd.feedly&hl=en 基本上簡單註冊一下就可以用 介紹一下點用: 上面就係我自己Feedly個版面, 紫色框係閱讀文章位置(可以有不同排列方式); 黃色框係subscribe左的文章分類; 紅色框係打星bookmark左既文章分類; 藍色框係加想要睇既網站 上面係我自己平時睇開咩網站既清單, 比如Travel入面我一樣subscribe左好個旅遊情報網. 其實網站係FB放出黎都係佢地自己網站本身既連結, 咁Feedly所做到既就係收集左網站既updates集中左係同一個地到方便你閱讀. 但如果網站只係FB出POST而不經佢自己網站, 咁Feedly就無法收集得到. 所以Feedly已經9成可以代替FB用黎睇新聞資訊. 紅色框個Bookmark功能我覺得幾好用, 有用文章可以自己分類記底方便日後查找. 另外Feedly一樣有read later,  一樣有Share功能. 當然佢一樣有手機APP, … Continue reading

Posted in lifestreaming | Tagged , , , | Leave a comment

網上訂製相簿 29蚊

係Hokobuy 用一蚊買咗一張coupon 今次優惠只可以用App 去買,上網睇過下photobook d comments有好有唔好。 不過咁抵,買黎試下無壞。 我地都只係買佢最基本果隻,全部可以係app 入面搞掂晒,圖係正方形咁出的。 個Size 唔大6吋,廿張相到。 點解係$29呢,因為運費係$28。 其實已經慳左$198。(其實app入面都有個5折code) 暫未收到貨,如質素ok ,可放埋係擺酒到用,哈哈  

Posted in lifestreaming, Wedding, 慳錢 | Tagged , , , | Leave a comment

2016 一年回顧

聽日係除夕啦2016就咁就過去啦。今日又係股市最後一個交易日,就回顧一下2016做過啲咩。 主要大事: 5月份女友去澳洲WH,我當然係香港WH,之後我在紐西蘭向女友求婚成功。 旅行: 2次(相比以前少左好多,始終機票成本貴了) 4月份超短線旅行-澳門 10月份澳紐求婚之旅 工作方面: 已經做左公務員一年多了,雖然以前做過合約制但始終對制度都要再適應一下,調整自己諗法。今年已經試過跳左一個point再加通脹,自己既人工唔會因為其他人或複雜既人事權鬥關係中而受到影响,感覺唔錯。 投資方面: 上半年買入建行,新世界以股代息,賣出西部水泥。 下半年賣出部份建行同買入極少中海油。錯過低價買入中海油,也考慮買入粵秀房地產但未能成事。 由1/1/2016當日倉位做Base+投入資金-沽出再同30/12/2016收市倉位比較,只係有0.6%進賬。2016年總共收息~20k,只係當同自己出雙糧。歷年來賬面仲輸緊11%。 2017年預計 女友返黎就會準備結婚啲野,應該會好多野要搞。工作方面就照舊做一個平凡既公務員啦,慢慢等跳point加人工,唔會有咩大驚喜。加上已經要穩定落黎組織家庭,照計都唔會輕易轉工。投資希望要再有多一點財商好好運用資金增加財富。旅行方面已經買左3月尾4月頭去東京機票,又駛錢了,真係要去少啲日本。LoL 希望新一年屋企人特別爸媽要身体健康,同女友進入人生另一階段。開開心心,新年進步。

Posted in Invest, Job, lifestreaming, Travel, 收息 | Tagged , , , , , , , , , , , , | Leave a comment

談加薪

公務員事務局今日公布,署理行政長官會同行政會議決定調整2016至17年度的公務員薪酬,中低級公務員加薪4.68%,高級公務員和首長級人員加薪4.19%,生效期追溯至4月1日。 好明顯我係有受惠, 加上聽日出糧, back pay 返幾個月人工加幅…呢啲都唔係我concern既. 再計一計今個月之後會係比之前多左4.69%. 由2015年9月到今天,就快11個月啦, 每年加薪一次好正常. 好啦…重點我係想講2016年9月份就會有得跳POINT, 又計一計佢: 唔計呢次通脹 (新POINT/未通脹) =11.47% 加完通脹再跳POINT (新POINT/通脹後) =6.47% 即係大約一年, 加左10%俾我, 當然唔係多, 但如果我仲係舊公司做, 要佢肯調整返加返俾我, 難過登天, 除非佢俾我升職, 但同登天一樣, 又唔會輪到我. 不過如果轉工跳來跳去的人都應該唔止呢個升幅, 可惜我性格唔係呢種. 黎緊經濟又講到好似差呀, 事實係咪咁? 無人知. GOV工又係咪真係咁爽? 拭目以待吧.  

Posted in Job, lifestreaming | Tagged , | Leave a comment

信安 MPF review

之前發現唔知係咪兼職做落既MPF有幾百蚊係到, 咁把心一橫就搞一搞佢, 試下轉做跟恆指會唔會有運行.  之前簡落果啲都係其他什麼乜乜基金. 我3月份轉晒去跟恆指, 宜家拎出黎睇睇, 雖然時間短左啲 year month 結餘 恒生指數 每月調整後的收市價* from HK yahoo 2015 10 594 22,640.04 2015 11 584 21,996.42 2015 12 582 21,914.40 2016 1 593 19,683.11 2016 2 618 19,111.93 2016 3 660 20,776.70 2016 … Continue reading

Posted in Invest, lifestreaming | Tagged , , | Leave a comment

2016 6月回顧

女友去左澳洲已有一個月了, 感覺始終不太習慣, 身邊少了一個同自己好緊密既人咁. 希望快啲見面. 5月份相對低位分別入左共2手建行,  當時諗法係覺得佢會再低啲, 所以未有用較多資金投入. 今日回看, 實在買得太少. 真係估底撈底好難, 今次又係一個經驗. 6月份開始大部份股都除淨, 派息.  已收了港交所

Posted in Invest, lifestreaming, 收息 | Tagged , , | Leave a comment

重整MPF

早2日收到信安寄黎MPF啲statement, 一睇得果幾百蚊, 當然啦, 返HTC part time 供果啲啲. 我睇返我係 3:7 分咁簡左環球同香港基金. 一樣都係輸錢, 再睇一睇管理費, 一個 1.25% 一個1.35%. 跟踨恆指基金就 0.89%. 諗返上次公司簡新MPF 都全部簡恆指. 以前果啲因為有啲錢係到又費事搞, 今次呢個得幾百蚊, 當實驗一下, 我全部現有轉移同未來投資都全部去恆指基金. 再一次買入#2800 今日恆指收市20257 , #2800=20.55  都唔係算貴, 但轉移應該都會要啲成本, 再睇下往後表現會唔會好啲. 當幾日蚊買個實驗.  

Posted in Invest, lifestreaming | Tagged , , | Leave a comment

要有系統處理事情

由於之前用HTC ONE 令 GOOGLE DRIVE 有成50GB 關係, 習慣把相片全部放上去. 但最近免費容量到期後變成迫爆個GOOGLE DRIVE, 也引致到個GMAIL都爆埋, 幾日無收過EMAIL. 最後花左我好多時間去過相去另一到BACKUP. 要記錄一下, 宜家希望往後相片會更有系統去放置. 計劃大機所有相係放上FLICKR BACKUP( 貪佢有1TB), 手機相會用FLICKR+GOOGLE PHOTO (無限)backup. 但宜家就算唔爆都要清空啲位出黎方便以後用GOOGLE DRIVE. 過左啲相去第2到就決定用佢個FREE UP SPACE FUNCTION. 留心一睇, 原來佢係唔會影响GOOGLE DRIVE upload 既野, 簡單講, 我即係嘥左心機. =[ 真係要預先設定去一個有系統方法去處理相, 其實其他野都一樣.    

Posted in lifestreaming | Tagged , , | Leave a comment

2015 年結

小小總結一下 工作方面: 轉左工, 結束係HKA 4 年多生涯, 9月入左GOV 做統計主任 感情方面: 2016 1月中 就拍拖4週年了, 繼續相親相愛 =] 旅行: 5次 全部東南亞 投資方面: 4月 買入#3333 , 短抄只係嬴粒糖, 食唔到大升果一下 5月 高位買入#883 , 投資失利 要吸取教訓 6月 新股短抄 #1530 , 也只是嬴粒糖 新股短抄 #6886, 坐艇未放, 教訓之一 4月,7月分別買入#388 , 也一樣係要吸取教訓 … Continue reading

Posted in lifestreaming | Tagged , , , , , , | Leave a comment

重新開始記一記底啲野

總結一下過去4年 識左一個很好的女朋友, 都有少少同香港航空有關既 係香港航空工作左4年幾 做過3個POSTS, 但自已不才4年都係橫行無升職人工又無咩點郁到.所以係前景唔明朗底下都要諗一諗自已出路, 為之後自已發展,為左同女朋友計劃下將來. 點都要有啲改變. 終於講左好耐要轉工既我, 真係轉工了  政府 “二級統計主任” 其實一向都有間唔時報考一下, 但2,3 次都係失敗左. 今次成功左自已都有諗下點解會咁 當然有努力過既, 運氣當然都唔少得, 最重要我覺得自已係盡量都講真話, 無答一啲過份扮野既答案. 老老實實講自已做咩想走,做咩想做統計主任. 今日我已經係灣仔返左約一個星期. 適應中 但我整体係開心因為我可以forsee到自已前途係點前景係點, 可以睇遠啲. 唔係以前咁,一路估估下, 一路幻想下次升職加薪有我份. 但每次都失望, 個人係無晒原動力. 1 SEP 2015 係我一個新開始, 如無意外照計做左呢份工就唔會再轉嫁啦. 由收到OFFER到REPORT DUTY 都有一個幾月時間, 中間又會叫我去BODY CHECK REPORT … Continue reading

Posted in lifestreaming | Tagged , | 1 Comment