Category Archives: stock

捨不得沽貨了

trade record: 20170930 #939 @6.5 #1398 @5.8 今日睇係錯了, 但無辦法. 同時來年股息會少了. Advertisements

Posted in stock, 收息 | Tagged , , , | Leave a comment

2017半年投資小結

過往主力用google finance 去計算表現, 但總是發覺計唔到每年自己回報表現, 想知同大市差幾多都唔知, 如果一路都係差過大市, 其實買2800就算數. 試過好多個坊間免費計組合網站, etnet, money18, aastock都唔太岩用, 一平左倉就當無賺/蝕過, 我覺得唔太合適, 最後搵到呢個比較岩心水. 可以入晒啲交易派息紀錄,佢自己會識計. https://www.ticker.com.hk 記錄一下: 2017上半年回報 內銀財險依舊係收息大水喉, 未來Reits, 2638 果啲會係目標 當中有啲廢股其實要慢慢沽走=.= 坐艇中又唔想蝕走(因為之前亂買,升左又貪心無放) 上半年係跑輸大市, 所以買2800可能仲可以簡單啲賺錢 等待7月份內銀派息 聽日就7.1 香港就咁就過左20年, 97年自己得10歲,無咩感覺, 20年後今日30, 未來都係只可以靠自己, 政府真係做唔到啲咩野. 年青人有怨氣都無可厚非. 希望在明天, 半年後再睇睇回報

Posted in stock, 收息 | Tagged , , , , , , | Leave a comment

2017開始派息

記錄一下, 先係呢2隻, 遲少少到內銀 20170419 #2638 $171.2 20170602 #388 $378 仍須努力 #2638 高息穩陣, 現價已升高, 等平一啲要入多少少 #388 本身息就唔高, 增長股, 但高位接貨, 教訓也

Posted in stock, 收息 | Tagged , , , , | Leave a comment

升市中換馬

恆指呢排都一路升, 24000點附近. 見手上建行由5個幾升到6個幾, 以往我係無理會,繼續持貨. 但呢排都有諗如果組合入面有啲股大升都應該減持下, 下啲現金. 遲啲可能要用錢. 心郁郁係6.4附近想放幾次, 但都不成功, 最後係22/2/2017 沽4000 #939 @6.44 (後尾再升上6.47), 用以前買入平均價計差差等於今年會收到既息, 咁好似安心左, 之後建行再升就由佢一路升, 跌就好似平時咁持貨. 同日22/2/2017買入2000 #883 中海油 @9.36 . 做左個換馬動作, 今次係第一次咁做, 一沽一買. 中海油本身有貨,都要買得唔平, 所以再增持下, 油價慢慢升緊. 不過日日消息都唔同, 日日新聞都可以唔同, 琴日預期仲有好多油, 又話下跌, 今日又可以話出乎預期減少產量, 跟住又話升. 所以我都無理. 做左呢個換馬暫時今日睇都仲OK, 岩定錯決定真係過一排先知.  

Posted in stock, 收息 | Tagged , , , , | Leave a comment

2016 一年回顧

聽日係除夕啦2016就咁就過去啦。今日又係股市最後一個交易日,就回顧一下2016做過啲咩。 主要大事: 5月份女友去澳洲WH,我當然係香港WH,之後我在紐西蘭向女友求婚成功。 旅行: 2次(相比以前少左好多,始終機票成本貴了) 4月份超短線旅行-澳門 10月份澳紐求婚之旅 工作方面: 已經做左公務員一年多了,雖然以前做過合約制但始終對制度都要再適應一下,調整自己諗法。今年已經試過跳左一個point再加通脹,自己既人工唔會因為其他人或複雜既人事權鬥關係中而受到影响,感覺唔錯。 投資方面: 上半年買入建行,新世界以股代息,賣出西部水泥。 下半年賣出部份建行同買入極少中海油。錯過低價買入中海油,也考慮買入粵秀房地產但未能成事。 由1/1/2016當日倉位做Base+投入資金-沽出再同30/12/2016收市倉位比較,只係有0.6%進賬。2016年總共收息~20k,只係當同自己出雙糧。歷年來賬面仲輸緊11%。 2017年預計 女友返黎就會準備結婚啲野,應該會好多野要搞。工作方面就照舊做一個平凡既公務員啦,慢慢等跳point加人工,唔會有咩大驚喜。加上已經要穩定落黎組織家庭,照計都唔會輕易轉工。投資希望要再有多一點財商好好運用資金增加財富。旅行方面已經買左3月尾4月頭去東京機票,又駛錢了,真係要去少啲日本。LoL 希望新一年屋企人特別爸媽要身体健康,同女友進入人生另一階段。開開心心,新年進步。

Posted in job, lifestreaming, stock, Travel, 收息 | Tagged , , , , , , , , , , , , | Leave a comment

買人仔國債

————————————————————————– 2016年12月8日 香港財經 財政部港發20億人幣零售國債息率料3.5厘   放大圖片 消息指出,財政部明日開售的20億元(人民幣‧下同)2年期的零售國債,票面息率為3.5厘。 市場人士指出,目前銀行1年期人民幣定存息率普遍有此水平,甚或略高有關水平,加上對人民幣貶值的預期,今次零售國債的吸引不算太大。 但有市場人士表示,雖然投資者兌換新資金認購零售國債的意欲不大,惟對部分已持有人民幣作長線投資的人士,認購國債既可鎖定兩年回報,若中途有資金需要,亦可在二手市場買賣,定存難於中途取消,料仍有部分投資者捧場。……………” ————————————————————————– 有過買ibond 經驗就對呢個人仔國債好有興趣, 因為如果唔計匯率,風險接近係零, 中國唔會債務違約. 本身手上就有放左好多年係戶口既人仔 ~11K. 一路只係放入一個叫做月月有息收定期入面生息. 當然少到嘔. 本金咁細, 個rate一定底, 但當初都係唔知做咩會買落或者係利是錢入左落去. 如其只係放活期,倒不如放入去定期到玩下, 雞碎咁多息好過無息. 我本身簡左個6個月既計劃 如繼續玩呢個計劃的回報 一年利息得CNY66 , 因為到期只有本金續存, 利息分開入返戶口, 做唔到複利效果. 由于回報極低, 我用現有既人仔去買國債絶對無左賺息蝕價呢樣野. (本身已經蝕左價 =] ) 轉買國債成本 但我定期本身已經做緊, 贖回係要成本, 佢仲預支左 ~CNY11 俾我 … Continue reading

Posted in stock, 收息 | Tagged , , , , | Leave a comment

渣打銀行

今日$8.86買入中海油1000股. 之前由$9一路既升勢無法享受, 因為諗住低過$9先入儲貨. 但今日想講重點唔係中海油, 係渣打銀行, 因為佢online banking 今日係出現問題,導致我今朝無法買入, 我試左幾次以後就算.  我印象今次已經係佢第2次有問題, 我個case係交易唔到. 對上一次係大時代, server 又係唔得.到左下晝先買. 事後睇佢其實幫左我, 令我係較低價位買入=]. 渣打其實係由2014年尾到開始用佢,當時為左開個高息少少既saving account(只係好短期)放啲錢入去食左佢個promotion 就算. 後尾再同女友一齊開左個聯名戶口儲錢. 但期間一路都係用中銀做投資買賣, 後尾留意到渣打手續費較低, 諗住抵啲就由果陣開始用左渣打買入新股份. 變成左有2個股票戶口.  今日既事件令我諗住銀行穩定性有時可能比起收費重要.

Posted in stock | Tagged , , | Leave a comment