Topcashback提取現金轉到PayPal

以前去旅行用過TOPCASHBACK.CN訂過機票酒店,今日已經有回贈,可以提取現金,記錄一下。%e6%93%b7%e5%8f%96

由旅行到現在時間已經有成2-3個月,但有回贈總好過無。

擷取.JPG

我就轉返入去PAYPAL,等遲啲有機會用返出去。以前試過用黎係網上買小米既野。 7蚊唔到既美金相等於港紙50蚊到。仲有5.42遲啲收埋。

擷取.JPG

其實我有中國版同全美版,2個都差不多,但原來個推薦回贈係中國版多啲。擷取.JPG

今時今日香港人一放假就會向外面出走,好多人都會留意減價機票,酒店,想慳更多,呢個網有現金回贈,少數怕長計,無理由唔食埋佢嫁。

小弟誠意推薦=]

https://www.topcashback.cn/ref/Member046486666039

Posted in lifestreaming, Travel, 慳錢 | Tagged , , , , , , , | Leave a comment

玩八達通O!ePay食里數

Screenshot_2017-01-27-17-21-16.png

八達通O!ePay本身概念很好,但初初推出時做個APP做得太差,搞到宜家其實係無咩人用。當一個APP少人用時,再好都發揮唔到。

開頭都係貪得意加上推薦朋友裝,八達通O!ePay會俾$10你,順利食左佢$10,你可以留係APP內又得,轉走去八達通或銀行都可以。

我後尾就諗到用本身八達通可以自動增值黎嘗試儲多啲里數,後尾見有啲原本教人儲里數啲網都開始有講呢個方法。我自已實驗左前後$1000入返銀行,好正常,無咩問題。

原理係本身張八達通有自動增值已經一直係儲緊分/里數,平時可能消費唔太大,一個月自動增值儲到既里數其實唔會好多。利用八達通轉錢入O!ePay,再轉返錢出去銀行。只要增加呢個次數就會令到八達通自動增值次數提高,自然儲里數會多左。當然轉入銀行有上限,過左上限又會有手續費。有啲網更加講如果頻繁地用呢個方法有機會令銀行BLOCK左你戶口/卡。所以我都只係得閒就做,諗起先做,並無瘋狂地拎啲錢轉來轉去。

Posted in lifestreaming | Tagged , , , | Leave a comment

政府出雙糧?

就快過農曆年,講下工作方面。以往私人公司就係過年前出花紅雙糧各樣,等你可以過肥年,大家開心。政府原來都有,過年前果期糧會預支部份人工俾你(金額係你原本個人工按比例預支)。呢個係庫房機制,你唔想反而要特別申請。

但係呢個並唔係花紅或雙糧,眾所周知政府工係無花紅雙糧嫁啦。因為呢舊錢是要還的。過年後果幾個月就會發覺份人工會少左,佢個機制係分期咁還返俾庫房(職級愈低就長期啲)。過年果期好似出特別多錢,富貴左,但之後你就知一切都係假象。從投資角度睇,其實我就覺得無壞既,因為係免息借貸,零成本,無損失。

有樣野比起私人公司好,係當你要長期頂其他同事個位既工作時,佢會俾返Allowance你,直至果位同事歸位為止。呢樣私人公司唔會做到,好啲就請人或升職加你人工,衰就只會叫你食埋人地果份,咁一般後者居多。咁啱最近有位同事大病,我就要頂佢既工作,變相有多左少少津貼。當然希望果位同事無咩事啦。

擷取.PNG

Posted in job | Tagged , | Leave a comment

2016 一年回顧

聽日係除夕啦2016就咁就過去啦。今日又係股市最後一個交易日,就回顧一下2016做過啲咩。

主要大事:

5月份女友去澳洲WH,我當然係香港WH,之後我在紐西蘭向女友求婚成功。

旅行:

2次(相比以前少左好多,始終機票成本貴了)

4月份超短線旅行-澳門

10月份澳紐求婚之旅

工作方面:

已經做左公務員一年多了,雖然以前做過合約制但始終對制度都要再適應一下,調整自己諗法。今年已經試過跳左一個point再加通脹,自己既人工唔會因為其他人或複雜既人事權鬥關係中而受到影响,感覺唔錯。

投資方面:

上半年買入建行,新世界以股代息,賣出西部水泥。

下半年賣出部份建行同買入極少中海油。錯過低價買入中海油,也考慮買入粵秀房地產但未能成事。

由1/1/2016當日倉位做Base+投入資金-沽出再同30/12/2016收市倉位比較,只係有0.6%進賬。2016年總共收息~20k,只係當同自己出雙糧。歷年來賬面仲輸緊11%。

2017年預計

女友返黎就會準備結婚啲野,應該會好多野要搞。工作方面就照舊做一個平凡既公務員啦,慢慢等跳point加人工,唔會有咩大驚喜。加上已經要穩定落黎組織家庭,照計都唔會輕易轉工。投資希望要再有多一點財商好好運用資金增加財富。旅行方面已經買左3月尾4月頭去東京機票,又駛錢了,真係要去少啲日本。LoL 希望新一年屋企人特別爸媽要身体健康,同女友進入人生另一階段。開開心心,新年進步。

Posted in job, lifestreaming, stock, Travel | Tagged , , , , , , , , , , , , | Leave a comment

試用Topcashback現金回贈網站

睇返account 原來係2013年已經用過Topcashback黎訂酒店, 到2014年總共拎返現金回贈USD47.94 ~ HKD372, 拎返幾嚿水都好。 但唔知係唔記得定係咩啦, 2015係無用過佢, 2016年先記得用返佢訂過機票同酒店。

%e6%93%b7%e5%8f%96

回贈啲錢佢有幾個方法俾你,Gifts card又唔岩我用,我就簡PayPal,全部入返落去我PayPal戶口(冇最低Payouts限制,通常一有錢回贈我就過晒入PayPal)。

%e6%93%b7%e5%8f%96

一路都係BOOK酒店賺回贈,試過有啲係唔成功,後尾先知如果有時用左啲唔合資格Coupon code會Claim唔到啲回贈。不過其實無蝕,本身就係要俾果個錢去訂酒店。

%e6%93%b7%e5%8f%96

佢都有個渠道俾你追數,我都試過問做咩住左都無回贈俾返我,經佢跟進後有啲會俾返我,有啲就話不合資格,對唔住啦。

%e6%93%b7%e5%8f%96

其實都係每次BOOK酒店前去左TopCashBack個網先,跟住search要Book既公司,好似agoda咁有6%回贈。跟住係呢度捺入佢個連結去agoda度book,佢就會追蹤到你用佢個網站先再去其他網訂野。跟住好似平時咁訂完,入住完,等一排就正常見到有錢回贈。

%e6%93%b7%e5%8f%96

佢後尾出左個中國版(唔sure啲鋪頭係咪會唔同啲),我都登記左用過黎訂Ctrip機票,一樣係回贈美金,不過就得PayPal同支付寶簡,無Gift card。

旅行本身已經要駛唔少錢,所以訂機票酒店都係經呢度再訂會感覺慳返少少。不過有時有啲網站指定要用某條Link先有優惠果啲就用唔到了。

我既referral

topcashback.com

topcashback.cn 中國版

 

Posted in Travel, 慳錢 | Tagged , , , , , | Leave a comment

Rocketmiles 訂酒店賺里數

一向訂酒店都係用Agoda, hotels.com, expedia, booking.com, hotelclub(被hotels.com食左, 本來最好回贈係佢)咁樣。 日本就用下樂天果啲。 但係由開始有儲里數習慣後就對Rocketmiles產生左興趣(其實都係聽同事講先知)。

Rocketmiles本身係一個訂酒店既網站。 但特別就係你book 酒店,佢會送里數俾你(佢support好多program,Asia miles好明顯一定有, 登記完自己入返資料就儲到)。 咁咪好爽皮, 其實羊毛出在羊身上,普遍黎講,佢就比其他網貴啲啲。

我地2015東京就做白老鼠試左用佢訂酒店賺佢個迎新。當時個迎新係新登記送3000里BA avios, 加原本住一晚1000里,總共4000里。但迎新啲野又係可遇不可求。

未命名.jpg

雖然無左3000里咁多, 但呢個referral都仲有額外1000里送(不一定是BA avios)。

Posted in Travel | Tagged , , , | Leave a comment

飛行里數

有幾年一直係airlines公司做,可以享用員工discount去買機票.出外旅遊都係首選自己公司,所以一路都無儲開任何飛行里數.

直至臨離開公司唔做先開始諗,以後去旅行個機票成本會變到好大,係咪應該開始儲下里數換機票呢! 係香港多數人都係儲Asia miles,因為易儲但我最後都無簡佢,而簡左儲BA Avios( British Airways Executive Club).

決定前上網做過功課又問有儲開既同事,比較一下儲邊一個好啦! 發覺Asia miles雖然容易儲但啲里數原來得3年有效. 好多時啲人係要靠儲係一張永久有效積分既credit card到. 某年某日夠分想換啦先轉去Asia miles account. 但我消費唔高同時又比較難申請到一張類似咁既credit card.(通當都係年收入高先申請到)
而BA Avios一樣有年期限制但就彈性好多, 佢係由你last果次activity 計起,換句話講即係如果你KEEP住有里數多左或少左,啲分就永遠有效. 啱我呢啲消費唔大,慢慢儲既人. 但據我所知只得大新BA卡儲到.

再來就係BA Avios用相對比較少既里數就去到同樣目的地, 但當然有缺點, 佢係每個sector計. 如果用黎飛歐洲open jaw, Asia miles係好用啲,抵啲.

BA Avios仲有一個優點, 係可以幾個人開一個Household Accounts一齊儲,最岩一家人或情侶,朋友咁.

Anyway, 我2條腿走路. 主力用大新BA卡儲. $6/里. 另外一張citi reward為副, 呢張野就2頭蛇,本身佢啲分就永久有效,而啲分又可以換Asia miles/BA Avios都得. 但只係用係某類產品上, 百貨,超市, 大型電器鋪, 交電話費 $3/里, 其餘$15/里. 另一面就靠我女友繼續儲, 到時夾埋一齊令成件事加快.

睇返2015OCT開始, 儲左一年多啲. BA入面有8900里. citi bank 入面有約5900里. 加埋就14800里.  呢到換到張One-way 去馬爾代夫. 當中有啲係特別里數儲入去加快個速度. 呢個就另外再講.

擷取.PNG

Reward Flight Calculator

%e6%93%b7%e5%8f%96

Posted in lifestreaming, Travel | Tagged , , , , , | Leave a comment