Tag Archives: 939

2017半年投資小結

過往主力用google finance 去計算表現, 但總是發覺計唔到每年自己回報表現, 想知同大市差幾多都唔知, 如果一路都係差過大市, 其實買2800就算數. 試過好多個坊間免費計組合網站, etnet, money18, aastock都唔太岩用, 一平左倉就當無賺/蝕過, 我覺得唔太合適, 最後搵到呢個比較岩心水. 可以入晒啲交易派息紀錄,佢自己會識計. https://www.ticker.com.hk 記錄一下: 2017上半年回報 內銀財險依舊係收息大水喉, 未來Reits, 2638 果啲會係目標 當中有啲廢股其實要慢慢沽走=.= 坐艇中又唔想蝕走(因為之前亂買,升左又貪心無放) 上半年係跑輸大市, 所以買2800可能仲可以簡單啲賺錢 等待7月份內銀派息 聽日就7.1 香港就咁就過左20年, 97年自己得10歲,無咩感覺, 20年後今日30, 未來都係只可以靠自己, 政府真係做唔到啲咩野. 年青人有怨氣都無可厚非. 希望在明天, 半年後再睇睇回報

Posted in stock, 收息 | Tagged , , , , , , | Leave a comment

升市中換馬

恆指呢排都一路升, 24000點附近. 見手上建行由5個幾升到6個幾, 以往我係無理會,繼續持貨. 但呢排都有諗如果組合入面有啲股大升都應該減持下, 下啲現金. 遲啲可能要用錢. 心郁郁係6.4附近想放幾次, 但都不成功, 最後係22/2/2017 沽4000 #939 @6.44 (後尾再升上6.47), 用以前買入平均價計差差等於今年會收到既息, 咁好似安心左, 之後建行再升就由佢一路升, 跌就好似平時咁持貨. 同日22/2/2017買入2000 #883 中海油 @9.36 . 做左個換馬動作, 今次係第一次咁做, 一沽一買. 中海油本身有貨,都要買得唔平, 所以再增持下, 油價慢慢升緊. 不過日日消息都唔同, 日日新聞都可以唔同, 琴日預期仲有好多油, 又話下跌, 今日又可以話出乎預期減少產量, 跟住又話升. 所以我都無理. 做左呢個換馬暫時今日睇都仲OK, 岩定錯決定真係過一排先知.  

Posted in stock | Tagged , , , , | Leave a comment

2016 一年回顧

聽日係除夕啦2016就咁就過去啦。今日又係股市最後一個交易日,就回顧一下2016做過啲咩。 主要大事: 5月份女友去澳洲WH,我當然係香港WH,之後我在紐西蘭向女友求婚成功。 旅行: 2次(相比以前少左好多,始終機票成本貴了) 4月份超短線旅行-澳門 10月份澳紐求婚之旅 工作方面: 已經做左公務員一年多了,雖然以前做過合約制但始終對制度都要再適應一下,調整自己諗法。今年已經試過跳左一個point再加通脹,自己既人工唔會因為其他人或複雜既人事權鬥關係中而受到影响,感覺唔錯。 投資方面: 上半年買入建行,新世界以股代息,賣出西部水泥。 下半年賣出部份建行同買入極少中海油。錯過低價買入中海油,也考慮買入粵秀房地產但未能成事。 由1/1/2016當日倉位做Base+投入資金-沽出再同30/12/2016收市倉位比較,只係有0.6%進賬。2016年總共收息~20k,只係當同自己出雙糧。歷年來賬面仲輸緊11%。 2017年預計 女友返黎就會準備結婚啲野,應該會好多野要搞。工作方面就照舊做一個平凡既公務員啦,慢慢等跳point加人工,唔會有咩大驚喜。加上已經要穩定落黎組織家庭,照計都唔會輕易轉工。投資希望要再有多一點財商好好運用資金增加財富。旅行方面已經買左3月尾4月頭去東京機票,又駛錢了,真係要去少啲日本。LoL 希望新一年屋企人特別爸媽要身体健康,同女友進入人生另一階段。開開心心,新年進步。

Posted in job, lifestreaming, stock, Travel | Tagged , , , , , , , , , , , , | Leave a comment

2016收息

今日收到#939 建行股息, 進帳 $8184, 係自己組合既大戶. 條被動收入水喉主要係靠佢. 其實年頭3月都收過一次#2638 港燈 $271, 幾高息但實在買得太少. 7月仲有#1398 工行會派.   3月 #2638 港燈 $271 7月 #883 中海油 $1770 7月 #939 建行8184

Posted in stock, 收息 | Tagged , , , , , | Leave a comment

試實踐長短倉

減持建行 #939 6000股 黎到7月番身, 咁就心郁郁沽走左少少建行, 本身買建行係作長遠收息, 儲現金流咁買入, 由09年一路黎買落都無沽出過, 除左14年底同15年底有特別原因沽過後都無試過, 也不諗住要沽. 宜家收息最大條水喉就係建行. 但今次咁做係因為今年股息已隱袋. (已除淨) 見佢又再帳面升左5% , 所以沽出一部份賺價差. 其實939 來來回回都試過升上5% , 又跌過5%幾次 . 但我都無理佢. 但有時會諗我長倉係拎黎收息, 但都可以試下短期賺價差, 加快個資本長大. 但呢個方法成效如何, 真係慢慢睇下先知. 價位$5.25 (買入價$5, 2016一月買入) 收左息0.274 唔知係咪咁計回報率: (0.25+0.274)/5 = 10.48% 放左之後, 佢再上5.3…HAH, 收市5.29, 短線就係會咁, 想捕捉高位沽出, 談何容易.

Posted in stock | Tagged , , , , | Leave a comment

2016 初四啓市

新一年希望工作順利, 年年跳POINT加人工, 計到數…好似個人踏實啲. 感情方面, 黎緊女友會去AU WH了, 將會有一段時間見唔到, 等佢回來應該都係時候要搞下點樣進入人生第二個階段. 投資方面, 希望知識豐富啲, 股票又升返多啲, 重整組合, 儲多啲彈藥可以上車. 黎緊3, 5, 7, 8, 10, 12月 都有息收, 假設來年派息率唔變, #939 因上次入貨後 派息會多一倍. 來年預計有21k 被動收入. 最最緊要都係屋企人身體健康, 自己同另一半又身體健康.  

Posted in job, lifestreaming, stock, 收息 | Tagged , , , , | Leave a comment

2015 年結

小小總結一下 工作方面: 轉左工, 結束係HKA 4 年多生涯, 9月入左GOV 做統計主任 感情方面: 2016 1月中 就拍拖4週年了, 繼續相親相愛 =] 旅行: 5次 全部東南亞 投資方面: 4月 買入#3333 , 短抄只係嬴粒糖, 食唔到大升果一下 5月 高位買入#883 , 投資失利 要吸取教訓 6月 新股短抄 #1530 , 也只是嬴粒糖 新股短抄 #6886, 坐艇未放, 教訓之一 4月,7月分別買入#388 , 也一樣係要吸取教訓 … Continue reading

Posted in lifestreaming | Tagged , , , , , , | Leave a comment